Issey Ogata

Issey Ogata (1952-yil 22-fevralda Fukuoka shahrida tugʻilgan) — yaponiyalik aktyor va komediyachi. Bolaligidan teatrga qiziqqan. Toyotama oʻrta maktabini tamomlagach, teatr truppasiga qoʻshilib, sahnada chiqishlar qila boshlagan. Keyinchalik «Birth of Comedians» (Komediya ustalari tugʻilishi) nomli auditiyada oltin medalni qoʻlga kiritib, aktyorlik imkoniyatini qoʻldan boy bermadi va Yaponiya televideniyesida rollar ola boshladi. U Fuji TV telekanalining «Evil Grandmother» va NHK telekanalining «RinRinto» kabi koʻrsatuvlarida ishtirok etgan. Hozirda u Shibuyadagi GyanGyan teatrida oʻzining «Life Never Stops» nomli yakkaxon spektakllarini namoyish etib kelmoqda va bu tomoshalar katta mashhurlikka erishgan. Shuningdek, u Edward Yangning mashhur «Yi Yi: A One and a Two» filmidagi Ota, Jun Ichikawaning Haruki Murakami hikoyasi asosida suratga olingan «Tony Takitani» filmidagi bosh qahramon hamda Aleksandr Sokurovning 2005-yilgi «The Sun» filmida imperator Hirohito rollarini ijro etgan.