Isao Takahata

Isao Takahata (1935–2018) — Studio Ghibli asoschilaridan biri va yapon animatsion kino san’atining eng mashhur rejissyorlaridan. Boshqa anime rejissyorlaridan farqli o‘laroq, u rasm chizmagan va rejissyorlik faoliyatigacha animator bo‘lib ishlamagan. 1960-yillardan 1980-yillargacha asosan televideniye uchun anime loyihalarida ishlagan. 1985-yilda Hayao Miyazaki, Toshio Suzuki va Yasuyoshi Tokuma bilan birgalikda Studio Ghibli’ga asos solgan. Uning studiya doirasida yaratgan beshta mashhur to‘liq metrajli filmi: "Grave of the Fireflies" (1988), "Only Yesterday" (1991), "Pom Poko" (1994), "My Neighbors the Yamadas" (1999) va "The Tale of the Princess Kaguya" (2013).