Hugo Arana

Hugo Arana (1943-yil 23-iyul — 2020-yil 11-oktyabr, Buenos-Ayres, Argentina) — kino, televideniye va teatr aktyori. U bolligini Monte-Grandeda o‘tkazgan, keyinchalik oilasi bilan Lomas-de-Samoraga, so‘ngra Lanusga ko‘chib o‘tgan. Marselo Lavalya va Augusto Fernandesdan aktyorlik sirlarini o‘rgangan. Ijodiy faoliyatining boshlarida u "Errare Humanum Est" teatr to‘garagi a'zosi bo‘lgan, shuningdek, "Qilich avliyosi" (1970) va "Sulh" (1974) kabi filmlarda suratga tushgan. 1980-yillarda u Crespi vino brendi reklamasi orqali, shuningdek, Hugo Moser rejissyorligidagi "Matrimonios y algo más" sitkomidagi rollari tufayli katta shuhrat qozondi. Ushbu loyihada u tomoshabinlar e'tirofiga sazovor bo‘lgan ikkita yorqin obrazni gavdalantirgan: "El Groncho y La Dama" komediya sketchidagi "Groncho" hamda Huguito Araña (stereotipik xarakterdagi gey yigit). U Telefé telekanalining "Los exitosos Pells" serialida xayoliy "Mega News" kanali direktori Franko Andrada rolini ijro etgan.