Holland Taylor

Holland Virginia Taylor (1943-yil 14-yanvarda tugʻilgan) — amerikalik aktrisa. U ABC telekanalining "The Practice" (1998–2003) serialidagi sudya Roberta Kittleson roli uchun 1999-yilda "Primetime Emmy" mukofotiga sazovor boʻlgan. CBS telekanalining "Two and a Half Men" (2003–2015) komediyasida Evelyn Harper obrazini gavdalangani uchun esa jami toʻrt marta "Primetime Emmy" mukofotiga nomzod boʻlgan. Taylor, shuningdek, "Bosom Buddies" (1980–82), "The Powers That Be" (1992–93) va "The Naked Truth" (1995–98) kabi sitkomlarda bosh rollarni ijro etgan. U "All My Children" (1981–83) serialida Jill Ollinger, "The L Word" (2004–08) serialida Peggy Peabody va "Mr. Mercedes" (2017–19) serialida Ida Silver rollarini oʻynagan. 2020-yilda Netflix’ning "Hollywood" mini-serialidagi Ellen Kincaid roli uchun tanqidchilar olqishiga sazovor boʻlib, sakkizinchi bor "Primetime Emmy" mukofotiga nomzod etib koʻrsatildi. Uning kinodagi ishlari qatoriga "Romancing the Stone" (1984) va uning davomi (1985), "Alice" (1990), "To Die For" (1995), "One Fine Day" (1996), "George of the Jungle" (1997), "The Truman Show" (1998), "Happy Accidents" (2000), "Keeping the Faith" (2000), "Legally Blonde" (2001), "The Wedding Date" (2005), "Baby Mama" (2008), "Gloria Bell" (2018), "Bill & Ted Face the Music" (2020) hamda "The Stand In" (2020) kabi filmlar kiradi. Taylor Ann Richards hayoti va faoliyatiga bagʻishlangan "Ann" nomli monostpektaklni yozgan va unda oʻzi bosh rolni ijro etgan. Ushbu roli uchun u "Tony" mukofotiga nomzod boʻlgan.