Hiss

Hiss — ozarbayjonlik qo'shiqchi va musiqachi. Bolalikdagi musiqaga bo'lgan qiziqishi uni 14 yoshida ilk qadamlarini qo'yishga undagan. Maktab yillarida turli bolalar musiqa tanlovlarida qatnashib, ilk vokal saboqlarini olgan. 2014-yilda ijodiy tanaffus qilib, universitetga o'qishga kirgan. 2018-yilgacha biznes tahlilchilikdan tortib buxgalteriyagacha bo'lgan turli lavozimlarda ishlagan. 2018-yilda musiqiy faoliyatiga qaytishga qaror qilib, "Mirvarilər" nomli ilk singlini chiqargan. U beshinchi singli "İstəmirəm"dan so'ng katta shuhrat qozondi. Ushbu qo'shiq bir necha oy davomida Shazam Turkiya top-50 ro'yxatidan joy oldi, Youtube'da 18 milliondan ortiq, Spotify'da esa 2 milliondan ziyod marta tinglandi va 48 mingdan ortiq foydalanuvchi pleylistlariga kiritildi.