Hiroki Narimiya

Narimiya Hiroki, tug‘ilgan nomi Narimiya Hiroshige — yaponiyalik aktyor va model. Ota-onasi ajrashgach, o‘rta maktabning 3-sinfida onasi vafot etadi va u akasi bilan birga buvisining qo‘lida o‘sadi. Onasiga aktyor bo‘lishga va’da berib, faoliyatini boshlash uchun maktabni tashlaydi. 2000-yilda “Horobikaketa Jinrui, Sono Ai no Honshitsu to wa” spektaklida debyut qiladi; u yerda tinglovdan o‘tgan 3000 nafar aktyor ichidan Kane roli uchun tanlab olinadi. 2001-yil fevralida “Oboreru Sakana” filmida kinodebyutini amalga oshiradi. 2002-yilda “Gokusen” teleserialida Noda rolini o‘ynab, katta shuhrat va e’tirofga erishadi. 2003-yilda ilk bor tarixiy “Azumi” filmida rol o‘ynab, qilichbozlik mahoratini namoyish etadi. 2016-yil 2-dekabrda giyohvand moddalar iste’mol qilishda ayblangani sababli san’atdan ketishini e’lon qiladi. Giyohvandlik ayblovlari tasdiqlanmagan bo‘lsa-da, u o‘z qarorida qat’iy qoladi. Hozirda aktyorlikdan tashqari boshqa ijodiy loyihalar bilan shug‘ullanadi.