Henry Rollins

Henry Lawrence Garfield (Henry Rollins nomi bilan tanilgan, 1961-yil 13-fevralda tug'ilgan) — amerikalik xonanda, yozuvchi, aktyor, radioshou boshlovchisi va ijtimoiy faol. 1980-yilda State of Alert guruhida, 1981-1986-yillarda esa Black Flag pank-guruhida solist bo'lgan. Guruh tarqalganidan so'ng, o'zining 2.13.61 nashriyotini va Rollins Band guruhini tuzgan. Rollins turli media loyihalarda faoliyat yuritib, "Harmony in My Head" radioshousi hamda "The Henry Rollins Show", "Jackass" kabi teleko'rsatuvlarni olib borgan. "Sons of Anarchy" serialida ikkinchi darajali rolni ijro etgan va ko'plab filmlarda suratga tushgan. AQShda inson huquqlari va urushga qarshi siyosiy harakatlarni qo'llab-quvvatlaydi hamda harbiy xizmatchilar uchun konsertlar tashkil etuvchi USO tashkiloti bilan hamkorlik qiladi.