Helena Mattsson

Elena Mattson (1984-yil 30-martda tug'ilgan) — Gollivudda yashab ijod qiladigan shved aktrisasi. Shvetsiyaning Stokgolm shahrida tug'ilib o'sgan Mattson u yerda «Wild Side Story» va boshqa kabare spektakllarida rol o'ynagan, so'ngra aktyorlik maktabida o'qish uchun yoshligida Angliyaning London shahriga ko'chib o'tgan. 19 yoshida esa Gollivudga kelib, ilk rolini 2004-yilda suratga olingan «Sweden, Ohio» nomli qisqa muddatli serialda ijro etgan. 2007-yilda u «Species: The Awakening» filmida bosh rolni o'ynadi va «You and I» filmiga tasdiqlandi. Mattson, shuningdek, 2006-yilda Primal Scream guruhining «Country Girl» qo'shig'i klipida suratga tushgan. Touchstone Pictures studiyasining «Surrogates» filmida, ABC telekanalining «Desperate Housewives» serialida Irina rolida (3 ta qism) va «Nikita» serialida Kassandra Ovechkin rolida (3 ta qism) ko'rinish bergan. U «666 Park Avenue» teleserialida Aleksis Blum rolini o'ynagan.