Helena Bonham Carter

Helena Bonham Carter CBE — ingliz aktrisasi. Mustaqil kinolar va blokbasterlardagi, ayniqsa tarixiy-kostyumli dramalardagi rollari bilan tanilgan. U BAFTA mukofoti va uchta Screen Actors Guild mukofoti sovrindori, shuningdek ikki karra "Oskar", to'rtta BAFTA Television, to'qqizta "Oltin globus" va beshta Primetime Emmy mukofotlari nomzodidir. Bonham Carter "A Room with a View" (1985) filmidagi Lucy Honeychurch va "Lady Jane" (1986) filmidagi bosh qahramon rollari orqali tanilgan. Dastlabki tarixiy obrazlari tufayli unga bokira "ingliz atirguli" degan bir qolipdagi amplua yopishib qolgan va aktrisa bu yorliydan qutulishga intilgan. U o'zining noodatiy uslubi, gotik estetikasi va g'aroyib ayollar obrazlarini mahorat bilan gavdalantirishi bilan mashhur. "The Wings of the Dove" (1997) filmidagi Kate Croy roli uchun "Oskar" mukofotiga nomzod bo'lgan, "The King's Speech" (2010) filmidagi qirolicha Yelizaveta obrazi uchun esa BAFTA mukofotini qo'lga kiritgan hamda "Oskar"ga nomzod etib ko'rsatilgan. Uning boshqa mashhur filmlari qatoriga "Hamlet" (1990), "Howards End" (1992), "Mary Shelley's Frankenstein" (1994), "Fight Club" (1999), "Harry Potter" seriyasi (2007–2011, Bellatrix Lestrange roli), "Les Misérables" (2012), "Cinderella" (2015), "Ocean's 8" (2018) va "Enola Holmes" (2020) kiradi.