Heidi Swedberg

Heidi Swedberg (1966-yil 3-martda tug'ilgan) — amerikalik aktrisa. "Seinfeld" sitkomida Jorj Kostanzaning kelini Syuzan Ross roli bilan tanilgan. Gonoluluda (Gavayi) tug'ilgan Heidi Nyu-Meksikoda o'sgan va Sandia o'rta maktabini tamomlagan. Faoliyatini Kentukkidagi "Actor's Theatre of Louisville" teatrida boshlagan, ilk bor 1989-yilda Norman Jyuisonning "In Country" filmida suratga tushgan. Shundan so'ng "Welcome Home, Roxy Carmichael", "Kindergarten Cop", "Too Much Sun" hamda Jim Abrahamsning "Hot Shots!" komediyasida rollar ijro etgan. "Matlock", "Thirtysomething", "Quantum Leap", "Northern Exposure" kabi mashhur seriallarda mehmon rollarda qatnashgan. "Seinfeld" serialining 4, 7 va 9-mavsumlarida Syuzan Ross rolini o'ynagan. Shuningdek, "Empty Nest", "Murder, She Wrote", "Star Trek: Deep Space Nine" va "Grace Under Fire" kabi loyihalarda suratga tushgan.