Biografiya
Norvegiyalik aktrisa, komik va xonanda (1957-yil 22-mayda Osloda tug‘ilgan). Norvegiya musiqa akademiyasini tamomlagan. 1982-yilda Chat Noir teatrida sahna yuzini ko‘rgan. 1986-yilda “Stælken Gundersen” monologi bilan katta muvaffaqiyatga erishgan. Kabare sahnasida Vazelina Bilopphøggers, Dizzie Tunes kabi jamoalar va taniqli san’atkorlar bilan ishlagan. NRK telekanalida 80-yillar oxiri va 90-yillar boshida namoyish etilgan “Blikkbox” serialidagi “Bitten” roli bilan mashhur bo‘lgan. 90-yillarda yoshlar dasturlariga boshlovchilik qilgan. Kinoda asosan ikkinchi darajali rollarni ijro etgan, 1999-yilda “Suffløsen” filmida bosh rolda o‘ynagan. 2003-yilda “Hege & Holmen” ko‘rsatuvida ishtirok etgan. 2011-yilda “Night unmusical queen” komediyasida Florence Foster Jenkins obrazini yaratgan va “Sara & Selma” serialida Sara rolini o‘ynagan.
