Hayley Mills

Hayley Catherine Rose Vivien Mills (1946-yil 18-aprel) — ingliz aktrisasi. Ser Jon Mills va Meri Xeyli Bellning qizi, aktrisa Juliet Millsning singlisi. U faoliyatini bolaligida boshlagan va yosh iste’dod sifatida e’tirof etilgan. "Tiger Bay" (1959) filmidagi ijrosi uchun BAFTA mukofotiga, "Pollyanna" (1960) filmi uchun "Oskar" maxsus mukofotiga va 1961-yilda "Oltin globus" mukofotiga loyiq ko‘rilgan. O‘zining ilk ijodiy yillarida u Walt Disneyning oltita filmida suratga tushgan, jumladan, "The Parent Trap" (1961) filmidagi egizaklar — Syuzan va Sheron rollari bilan mashhur. "Whistle Down the Wind" filmidagi ijrosi uchun esa u BAFTA mukofotiga nomzod bo‘lgan.