Harry Groener

Harry Groener — Germaniyada tug‘ilgan amerikalik aktyor va raqqos. 1951-yil 10-sentabrda Bavariyaning Augsburg shahrida tug‘ilgan. Uning onasi opera xonandasi, otasi esa konsert pianisti bo‘lgan. Ikki yoshida oilasi bilan AQShga ko‘chib o‘tgan. U San-Fransisko baletida tahsil olgach, Vashington universitetida drama yo‘nalishida o‘qigan. Ijodini teatrdan boshlab, 1980-yillarda Brodveydagi "Oklahoma!", "Cats", "Crazy for You" va "Copenhagen" kabi myuzikllarda o‘ynagan hamda bir nechta Tony mukofotiga nomzod bo‘lgan. Televideniye va kinoda ham muvofaqiyatli faoliyat yuritib, "Buffy the Vampire Slayer" serialidagi mer Vilkins roli orqali mashhurlikka erishgan. Shuningdek, "Dear John", "How I Met Your Mother", "Mad About You" kabi loyihalarda va bir nechta "Star Trek" seriallarida suratga tushgan. 1978-yil 19-sentabrdan beri Dawn Didawick bilan turmush qurgan.