Biografiya
Hany Abu-Assad — falastinlik kinoijodkor, rejissyor, ssenariynavis va prodyuser. 1961-yilda Nosirada tug'ilgan bo'lib, u hozirgi zamonning eng taniqli arab rejissyorlaridan biri sanaladi. U Gollandiyada bir necha yil aviatsiya muhandisi bo'lib ishlagandan so'ng kinoteatr olamiga kirib keldi. 1994-yilda Rashid Masharawi rejissyorligidagi «Curfew» badiiy filmiga prodyuserlik qildi. Shundan beri Abu-Assad bir qator nufuzli mukofotlarga sazovor bo'lgan, jumladan, «Nazareth 2000», «Rana’s Wedding», «Ford Transit», «Paradise Now», «The Courier», «Omar» va «The Idol» kabi filmlarni yozgan, suratga olgan hamda produserlik qilgan. Uning «Paradise Now» filmi «Eng yaxshi chet tilidagi film» yo'nalishi bo'yicha Oskar mukofotiga nomzod bo'lib, «Oltin globus» mukofotini qo'lga kiritgan. Shuningdek, 2014-yilda suratga olingan «Omar» filmi ham Oskarga nomzod etib ko'rsatilgan hamda Independent Spirit Award, Felix Award, Berlin Blue Angel Award, Amnesty International Film Prize, Golden Calf va Kann kinofestivalining «Un Certain Regard» hakamlar hay'ati mukofoti kabi ko'plab sovrinlarga sazovor bo'lgan. 2017-yilda Abu-Assad bosh rollarda Kate Winslet va Idris Elba suratga tushgan «The Mountain Between Us» filmini suratga oldi va bu kartina Qohira xalqaro kinofestivalining (CIFF) 39-ochilish marosimida namoyish etildi. «Huda’s Salon» uning so'nggi badiiy filmidir.
