Hải Ninh

Xalq artisti Hải Ninh (asl ismi Nguyễn Hải Ninh; 1931-yil 31-dekabr – 2013-yil 5-fevral) — vyetnamlik rejissyor. U 1984–1994-yillarda Vyetnam badiiy filmlar studiyasiga rahbarlik qilgan. Ijodini 1956-yildan boshlagan rejissyor Vyetnam kino maktabining ilk bitiruvchilari qatoriga kirib, milliy kinekoatografiyaga asos solgan namoyandalardan biri hisoblanadi. "Bir kuz kuni" (1962) filmida rejissyor yordamchisi sifatida ishlagach, "Yosh jangchi" kartinasini suratga oldi. Shundan so'ng u "O Tham o'rmoni", "17-parallel: Tunlar va kunduzlar", "Xanoylik qizaloq", "Birinchi muhabbat", "Long Tri festivali kechasi", "Foniylar hayoti", "Abissariya yoqasidagi muhabbat", "Hayot sohili" kabi asarlari bilan tomoshabinlar e'tiboriga tushdi. Shuningdek, Hải Ninh "Kvant-Tri shahridagi birinchi tinchlik kuni", "Erkinlik oroli", "Tonggi shahar" kabi hujjatli filmlarni ham yaratgan. Uning kartinalari vatanida ham, xorijda ham e'tirof etilgan. Hải Ninh yana bir taniqli vyetnamlik rejissyor Hồng Sếnning yaqin do'sti bo'lgan.