Gromee

Andrzej Gromala (1978-yil 14-dekabrda tug‘ilgan), asosan Gromee taxallusi bilan tanilgan — polshalik DJ, musiqa prodyuseri, remikschi va Kingztown Music studiyasining egasi. 2016-yilda u Sony Music bilan shartnoma imzolagan. 2017-yilda Eska Music Awards mukofotining "Eng yaxshi DJ/prodyuser" yo‘nalishi g‘olibi bo‘lgan. U Portugaliyaning Lissabon shahrida bo‘lib o‘tgan "Evrovidenie-2018" qo‘shiq tanlovining Polsha milliy saralashida g‘olib chiqqan. Shvetsiyalik qo‘shiqchi Lukas Meijer bilan birga Lissabondagi tanlovda vatanini "Light Me Up" qo‘shig‘i bilan himoya qilgan va Evrovidenie tarixida sahna yuzini ko‘rgan ilk DJga aylangan. U Tiesto va Hardwell treklari bilan tanilgan Andreas Moe kabi ijodkorlar bilan yakkaxon loyihalarda hamkorlik qilgan. Ko‘plab musiqa festivallarida qatnashgan. 2016-yil aprel oyida Gromee Mariah Careyning Polshadagi ilk konsertida ansamblga ustozlik qilgan. Uning 2016-yilgi "Fearless" yozgi singli radio chartlarida 10-o‘rinni, TV Airplay chartida 2-o‘rinni egallab, Platinum Record mukofotiga sazovor bo‘lgan. Mahan Moin bilan birgalikda yozilgan "Spirit" singli esa Polsha radiosi efir chartlarida 1-o‘rinni egallagan ilk taronasi bo‘ldi. 2018-yilda Sara Chmielga uylangan. 2019-yilda Polshaning Glivitse shahrida o‘tkazilgan "Bolalar Evrovideniesi-2019" tanlovi uchun "Share the Joy" nomli bosh qo‘shiqni yozgan. Shuningdek, Varshavadagi "Bolalar Evrovideniesi-2020" uchun ham bosh kuy muallifi bo‘lib, Ala Tracz ijro etgan Polshaning "I'll Be Standing" qo‘shig‘iga musiqa bastalagan.