Goldie Hawn

Goldi Jin Xon (1945-yil 21-noyabrda tug‘ilgan) — amerikalik aktrisa, rejissyor, prodyuser va vaqti-vaqti bilan qo‘shiq kuylab turuvchi san'atkor. Ijodini dastlab Nyu-York, so‘ngra Los-Anjelesda raqqosalikdan boshlagan. 1960-yillarning oxiridagi mashhur "Laugh-In" komediya ko‘rsatuvida qatnashib, bikirida hazillarni xato talqin qilgani evaziga loyihaning eng mashhur qatnashchilaridan biriga aylangan. U soddaga o‘xshagan qahramonlar faqat obraz ekanligini isbotlab, "Cactus Flower" (1969, Uolter Matto bilan birga) filmidagi ikkinchi darajali roli uchun "Oskar" mukofotini qo‘lga kiritgan hamda Stiven Spilbergning "The Sugarland Express" (1974) filmida jiddiy mahorat ko‘rsatgan. 1980-yilda o‘zining ilk blokbasteri — "Private Benjamin" filmida suratga tushgan va shundan buyon ko‘pincha o‘ziga o‘zi prodyuserlik qilgan holda, muvaffaqiyatli hamda omadsiz loyihalarda bosh rollarni ijro etib kelmoqda. Uning mashhur filmlari qatoriga "Shampoo" (1975, Uorren Bitti bilan), "Overboard" (1987, Kurt Rassel bilan), "Bird on a Wire" (1990, Mel Gibson bilan), "Death Becomes Her" (1992, Bryus Uillis bilan), "Housesitter" (1992, Stiv Martin bilan), "The First Wives Club" (1996, Dayan Kiton bilan) va "The Banger Sisters" (2002, Syuzan Sarandon bilan) kabi ko‘plab kartinalar kiradi. U aktyor Kurt Rassel bilan o‘nlab yillardan beri fuqarolik nikohida yashab kelmoqda. Shuningdek, u aktrisa Keyt Xadson, aktyor Oliver Xadson va aktyor Uayatt Rasselning onasidir.