Glen Powell

Glen Tomas Pauell Kichik (1988-yil 21-oktyabrda tugʻilgan) — amerikalik aktyor. Oʻz faoliyatini televideniyedagi kichik rollar hamda “Spy Kids 3-D: Game Over” (2003) va “Fast Food Nation” (2006) kabi filmlardan boshlagan. Pauell “The Expendables 3” (2014) jangari filmi, “Scream Queens” (2015–2016) qora komediya-antologiyasi, “Everybody Wants Some!!” (2016) oʻsmirlar komediyasi, “The Guernsey Literary and Potato Peel Pie Society” (2018) tarixiy melodramasi va “Set It Up” (2018) romantik komediyasida rol oʻynagan. Shuningdek, u “Hidden Figures” (2016) filmida kosmonavt Jon Glenn va “Devotion” (2022) filmida uchuvchi Tom Xadner obrazlarini gavdalantirgan. Uning “Top Gun: Maverick” (2022) jangari filmi hamda “Anyone but You” (2023) romantik komediyasidagi rollari unga katta shuhrat keltirdi. Shundan soʻng u oʻzi hammualliflik qilgan va prodyuserlik qilgan “Hit Man” (2023) qora komediyasida, shuningdek, “Twisters” (2024) katastrofa filmida bosh rollarni ijro etdi. Birinchi filmdagi ijrosi uchun u “Oltin globus” mukofotiga nomzod boʻlgan. Bundan tashqari, Pauell Edgard Raytning Stiven Kingning shu nomdagi qissasiga asoslangan “The Running Man” (2025) filmida, 1949-yilda suratga olingan “Kind Hearts and Coronets” filmining remeyki boʻlgan “How to Make a Killing” (2026) kartinasida bosh rollarni oʻynagan. Shuningdek, u Nintendo bilan shaxsan oʻzi muzokara olib borib, “The Super Mario Galaxy Movie” (2026) animatsion filmida Foks MakKlaud (Star Fox) obraziga oʻz ovozini bergan.