Gerardo de Leon

Gerardo de León (1913-yil 12-sentabr — 1981-yil 25-iyul) — filippinlik aktyor va kinorejissyor. U kino olamidagi ilk rolini 1934-yilda suratga olingan "Ang Dangal" filmida ijro etgan. Asl ismi Gerardo Ilagan bo‘lib, u Filippin kinosining mashhur Ilaganlar sulolasiga mansub edi. Mutaxassisligi bo‘shat shifokor bo‘lgan de León kinoga bo‘lgan kuchli muhabbat tufayli san'at yo‘lini tanladi. Rejissyorlik qilishdan oldin u yana sakkizta filmda aktyor sifatida suratga tushdi. U 1939 yilda Fely Vallejo bosh rolni ijro etgan "Bahay-Kubo" filmi bilan rejissyorlikda debyut qildi (keyinchalik ular oila qurishgan). "Manong" laqabi bilan tanilgan de León Filippin Oskar mukofoti deb e'tirof etiladigan FAMAS Awards tarixida eng ko‘p mukofotlangan rejissyor hisoblanadi. 1952–1971 yillar oralig‘ida u yettita FAMAS mukofotini qo‘lga kiritgan bo‘lib, ularning uchtasiga ketma-ket uch yil davomida sazovor bo‘lgan. Uning "Eng yaxshi rejissyor" nominatsiyasida g‘olib chiqqan barcha filmlari FAMAS mukofotida "Eng yaxshi film" deb ham topilgan: "Sawa sa Lumang Simboryo" (1952), "Hanggang sa Dulo ng Daigdig" (1958), "Huwag Mo Akong Limutin" (1960), "Noli Me Tangere" (1961), "El Filibusterismo" (1962), "Daigdig ng mga Api" (1965) va "Lilet" (1971).