Georges St-Pierre

Georges St-Pierre 1981-yil 19-mayda Kvebekning Sen-Izidor shahrida Jim va Polin Sent-Pyer oilasida dunyoga kelgan. Bolaligi og'ir o'tgan: maktabda tengdoshlari uning kiyim-kechak va pullarini o'g'irlashardi. O'zini himoya qilish uchun yetti yoshidan otasidan, keyinchalik esa Kyokushin karate ustasidan karate sirlarini o'rgana boshlagan. Karatedagi ustozi vafotidan so'ng kurash va braziliya jiu-jitsusi bilan shug'ullangan, shuningdek, boks bo'yicha ham mashg'ulotlar o'tagan. Professional sportchi bo'lishidan avval Monrealdagi Fuzzy Brossard tungi klubida qo'riqchi va o'qish xarajatlarini qoplash uchun olti oy davomida axlat yig'uvchi bo'lib ishlagan. Faoliyati davomida ko'plab zallarda turli guruhlar bilan shug'ullangan. UFC 58 musobaqasida B.J. Penn bilan jangidan oldin Nyu-Yorkdagi Renzo Gracie Jiu-Jitsu akademiyasida tayyorgarlik ko'rgan. 2006-yil 21-iyulda Renzo Greysidan jiu-jitsu bo'yicha jigarrang kamar olgan. 2008-yil sentyabrida esa Bruno Fernandes qo'l ostida qora kamar sohibiga aylangan.