Gérard Barray

Gérard Barray (1931-yil 2-noyabrda Tuluzada tug‘ilgan) — fransuz aktyori. Barrayning ota-onasi erta ajrashib ketishgan va Montaubandan bo‘lgan onasi kenja o‘g‘li bilan o‘z tug‘ilib o‘sgan shahriga qaytishga qaror qilgan. 19 yoshlarida u jass musiqasiga mehr qo‘yadi; Tuluzadagi universitetda o‘qishni davom ettirib, bakalavr darajasini olgan va shu bilan birga tungi klublardagi shoularda qatnashgan. Tuluzadagi konservatriyaning aktrisasi va o‘qituvchisi bo‘lgan Kamil Rikar unga do‘sti Noel Rokeverga tavsiyanoma xatish bilan Parijga borishni maslahat beradi. Shundan so‘ng Barray Parijdagi Cours Simon drama maktabiga o‘qishga kiradi. To‘rt yil o‘tgach, u hakamlar hay'ati e'tirofiga sazovor bo‘ladi. Keyinchalik u olijanob ritsar rollarida mohirona namoyon bo‘ldi. U D'Artanyan, Pardallan, Surku va Skaramush kabi obrazlarni gavdalantirgan. Umuman olganda, u o‘n ikkita badiiy filmda suratga tushgan bo‘lib, ularning aksariyati kassa yig‘imlarida muvaffaqiyat qozongan va chet ellarda ham keng tanilgan. Pardallan va Skaramush kabi jangari-sarguzasht filmlardan tashqari, Barray ikkita San Antonio filmida politsiya komissari rolini o‘ynagan. 1969 yilda u yosh aktrisa Klod Jid bilan birga "Guvoh" filmida suratga tushdi. Unda u ingliz tili o‘qituvchisini yo‘ldan ozdiradigan sirli muzey direktori Van Britten rolini ijro etdi. Bu uning oxirgi yirik roli bo‘ldi. Klod Berri uchun u "Otamning kinoteatri" (1970) filmida super yulduz va injiqroq aktyor Rishar rolini o‘ynagan. U 1997 yilda Alexandro Amenabarning "Ko‘zlaringni och" filmida teledizayner Devernois roli bilan kino olamiga qaytdi. Gérard Barray San'at va adabiyot ordeni ofitseri unvoni bilan taqdirlangan.