Fridrikh Ermler

Fridrikh Markovich Ermler (1898-yil 13-may – 1967-yil 12-iyul) — sovet kinorejissori, aktyor va ssenariynavis. To‘rt karra Stalin mukofoti sovrindori (1941, 1946-yillari ikki marta va 1951-yilda). Farmakologiya bo‘yicha tahsil olganidan so‘ng, 1917-yilda podsho armiyasi safiga qo‘shildi va tez orada Oktyabr inqilobida bolsheviklar tomonida ishtirok etdi. Oq gvardiyachilar tomonidan asirga olinib, qiynoqlarga solingan Ermler Fuqarolar urushi oxiriga kelibgina partiya safiga to‘liq o‘tdi. 1923–1924-yillarda Kino akademiyasida o‘qidi. 1932-yilda ilk sovet ovozli filmlaridan biri – "Vstrechniy" (Qarshi reja) filmini yaratishda qatnashdi. E. Ioganson bilan birgalikda KEM ijodiy uyushmasiga asos soldi. 1929–1931-yillarda Kommunistik akademiyada o‘qib, "Kino" gazetasida maqolalar yozdi hamda Rossiya inqilobiy kinoijodkorlar uyushmasi raisi etib saylandi. 1940-yilda "Lenfilm" kinostudiyasiga direktor etib tayinlandi. 1941–1944-yillarda Olma-otadagi Markaziy birlashgan badiiy filmlar studiyasida (hozirgi "Qozoqfilm") ishladi. 1967-yil 12-iyulda Komarovoda vafot etdi. Leningrad shahridagi 1930–1962-yillarda yashagan uyiga yodgorlik lavhasi o‘rnatilgan.