Fridrik Thor Fridriksson

Islandiyalik kino rejissyor va prodyuser. 1954-yil 12-mayda Reykyavikda tug'ilgan. U kino olamidagi faoliyatini 1980-yillarning boshlarida eksperimental va hujjatli filmlar suratga olishdan boshlagan. 1987-yilda Islandiyaning eng muhim kino kompaniyasiga aylangan The Icelandic Film Corporation'ga asos solgan. Kompaniya uning o'z filmlarini ishlab chiqarish bilan birga boshqa islandiyalik rejissyorlar va prodyuserlar bilan hamkorlik qiladi. Uning xalqaro miqyosdagi obro'si tufayli kompaniya Lars fon Trier'ning Zentropa va Frensis Ford Koppolaning American Zoetrope kabi dunyoga mashhur hamkor studiyalari bilan mustahkam tarmoq yaratdi.