Frank Darabont

Frank Arpad Darabont (asl ismi Ferenc Arpad Darabont, 1959-yil 28-yanvarda tugʻilgan) — amerikalik ssenariynavis, rejissyor va prodyuser. U uch karra Oskar mukofoti va Oltin globus nomzodi boʻlgan. U Fransiyada, 1956-yilgi qoʻzgʻolon paytida Budapeshtdan qochib ketgan vengriyalik oilasida tugʻilgan, ammo chaqaloqligidayoq oilasi Los-Anjelesga koʻchib oʻtgan. U Stiven King asarlari asosida suratga olingan "The Shawshank Redemption", "The Green Mile" va "The Mist" filmlariga rejissyorlik qilgan. 2010 yilda esa AMC telekanalining "The Walking Dead" serialining birinchi mavsumini yaratdi va uning ijrochi prodyuseri boʻldi.