François Leterrier

François Leterrier (1929-yil 26-may — 2020-yil 4-dekabr) — fransuz kinorejissori va aktyori. U Robert Bressonning "Odam qochib ketdi" filmida bosh rolni ijro etib kino olamiga kirib kelgan va keyinchalik rejissorlikka o‘tgan. François Leterrier Parij universitetida falsafa yo‘nalishi bo‘yicha tahsil olgan. Talabalik yillarida universitetning kino klubiga muntazam qatnagan. Marokashdagi harbiy xizmat o‘tayotgan vaqtda, asosan professional bo‘lmagan aktyorlarni tanlashi bilan tanilgan rejissor Robert Bresson e'tiboriga tushadi va u 1956-yilda suratga olingan "Odam qochib ketdi" filmida bosh rolni ijro etadi. Shundan so‘ng Leterrier Louis Malle, Etienne Périer va Yves Allégretga rejissor yordamchisi sifatida ko‘maklashdi. Uning rejissor sifatidagi ilk ishi Roger Vailland romaniga asoslangan 1961-yilgi "Les Mauvais Coups" filmi bo‘ldi. Shuningdek, u Jean Giono, Paul Morand va Raymond Queneau asarlarini ekranlashtirgan. Françoisning o‘g‘li Louis — "Taksi", "Tashuvchi" filmlarining dastlabki qismlari, "Ajoyib Halk", "Titanlar jangi" va "Illyuziya aldovi" kabi mashhur blokbasterlar bilan tanilgan kinorejissor.