Florence Pugh

Florens Pyu (1996-yil 3-yanvarda tug‘ilgan) — ingliz aktrisasi. U Britaniya Mustaqil kino mukofoti sovrindori, shuningdek, «Oskar» va uchta BAFTA mukofotlari nomzodidir. Aktyorlik debyutini 2014-yilda «The Falling» dramasida boshlagan Pyu «Lady Macbeth» (2016) mustaqil dramasi va «The Little Drummer Girl» (2018) mini-serialidagi rollari uchun e'tirofga sazovor bo‘ldi. Uning xalqaro miqyosdagi muvaffaqiyati 2019-yilda «Fighting with My Family» sport dramasida professional kurashchi Peyj, «Midsommar» qo‘rqinchli filmida tushkunlikka tushgan amerikalik ayol va «Little Women» tarixiy dramasida Emi March rollarini gavdalantirgach keldi. So‘nggi roli uchun u «Ikkinchi plandagi eng yaxshi aktrisa» yo‘nalishida «Oskar» mukofotiga nomzod bo‘ldi. Pyu Marvel kinematografiya koinotida Yelena Belova rolini ijro etib, «Black Widow» (2021), «Thunderbolts*» (2025) va «Spider-Man: Brand New Day» (2026) filmlarida, shuningdek, Disney+ ning «Hawkeye» (2021) mini-serialida suratga tushgan. Uning eng ko'p daromad keltirgan loyihalari qatoriga «Puss in Boots: The Last Wish» (2022) animatsion filmida Oltin sochga ovoz bergani, shuningdek, «Oppenheimer» (2023) filmida Jan Tatlok va «Dune: Part Two» (2024) filmida malika Irulan rollari kiradi.