Biografiya
Fleur Fortuné o'z ijodiy faoliyatini Emmanuel Cossu bilan birga H5 studiyasida rassom-gechkerlar sifatida boshlagan. O'n yil davomida ular taniqli «Fleur&Manu» rejissyorlar duosini tuzishdi. So'nggi yillarda Fleur Connan Mockasin, Etienne de Crecy, Skrillex, M83, Drake, A$AP Rocky va The Avalanches kabi xalqaro san'atkorlar uchun musiqiy videolar suratga oldi. Shuningdek, u Nike, Perrier, Lacoste va Audi kabi mashhur brendlar bilan hamkorlik qilgan. Fleur UKMVA, D&AD hamda «Club des directeurs artistiques» mukofotlarining ko'plab g'olibi hisoblanadi. 2015-yilda u D&AD tanlovida Movement guruhining «Ivory» klipi uchun «Eng yaxshi rejissyorlik» yo'nalishida «Sariq qalam» mukofotini qo'lga kiritdi. 2016-yilda u taniqli trap-ijodkor Travis Scott uchun Detroydda qisqa metrajli film suratga oldi. O'sha yilning mart oyida Apple Music platformasida taqdim etilgan ushbu film reperning hayotini o'zgartirib yuboradigan va uni ikki xil olamga olib kiruvchi avtomobil sayohati haqida hikoya qiladi. Fleur Fortuné yillar davomida o'ziga xos vizual olamni yaratdi. Konseptual va murakkab loyihalardan ilhomlanadigan rejissyor kinoga nafaqat o'tkir nigoh, balki boy tasavvur va o'ziga xos ijodiy yondashuv olib kiradi. Klipsmeyker va reklama rejjisori sifatidagi faoliyatidan so'ng, Fleur o'zining ilk to'liq metrajli badiiy filmi — «The Assessment»ni (2025) suratga oldi.
