Fernanda Torres

Fernanda Pinheiro Torres (1965-yil 15-sentabrda Rio-de-Janeyroda tug‘ilgan) — braziliyalik aktrisa, yozuvchi, sharhlovchi va ssenariynavis. Oskar mukofotiga nomzod bo‘lgan aktrisa Fernanda Montenegro va aktyor Fernando Torresning qizi. 1986-yil may oyida, 20 yoshida Arnaldo Jaborning "Eu Sei Que Vou Te Amar" filmidagi roli uchun Kann kinofestivalining "Eng yaxshi ayol roli" mukofotini qo‘lga kiritgan. Kinoproduser va rejissor Andrucha Vaddington bilan turmush qurgan. Juftlikning Joaquim va Antônio ismli ikki o‘g‘li bor; shuningdek, Fernanda erining avvalgi nikohidan bo‘lgan o‘g‘illari João va Pedroga o‘gay ona hisoblanadi. 2003-yilda akasi, operator Cláudio Torres ko‘magida o‘zining birinchi ssenariysini ("O Redentor", 2004) yozgan. 2025-yilda "I'm Still Here (Ainda Estou Aqui)" filmidagi ijrosi uchun "Oltin globus" mukofotiga loyiq ko‘rildi va "Eng yaxshi ayol roli" nominatsiyasida Oskar mukofotiga nomzod bo‘ldi.