Felix Bressart

Felix Bressart (1892-1949) — nemis-amerika teatr va kino aktyori. Germaniyada tug'ilib, 1928-yildan kinoda faoliyat boshlagan. 1933-yilda natsistlar hokimiyatga kelgach, Avstriyaga ko'chib o'tib, u yerda ham kinodagi ijodini davom ettirgan. 30 dan ortiq filmda suratga tushgach, AQShga emigratsiya qilgan. Hollywoodda o'z faoliyatini Joe Pasternak yordamida yo'lga qo'yib, "Three Smart Girls Grow Up" (1939) filmida debyut qilgan. Ernst Lubitsch'ning "Ninotchka" filmidagi ijrosi bilan katta muvaffaqiyatga erishgan va Metro-Goldwyn-Mayer studiyasi bilan shartnoma imzolagan.