Felicity Jones

Felicity Rose Hadley Jones (1983-yil 17-oktyabrda tugʻilgan) — ingliz aktrisasi. Professional aktrisalik faoliyatini bolaligida boshlagan va 12 yoshida „The Treasure Seekers“ (1996) filmida suratga tushgan. Shuningdek, „The Worst Witch“ (1998) serialining bir mavsumida Ethel Hallow rolini ijro etgan. 2008-yilda Donmar Warehouse teatrining „The Chalk Garden“ spektaklida sahnaga chiqqan. 2006-yildan beri Jones „Northanger Abbey“ (2007), „Brideshead Revisited“ (2008), „Chéri“ (2009), „The Tempest“ (2010), „The Amazing Spider-Man 2“ (2014) va „True Story“ (2015) kabi filmlarda rol oʻynagan. U „Like Crazy“ (2011) romantik dramasi va „The Theory of Everything“ (2014) biografik kartinasidagi rollari uchun yuqori baholangan. Ayniqsa, oxirgi filmdagi Jane Hawking obrazi unga BAFTA va „Oskar“ mukofotlarining „Eng yaxshi aktrisa“ nominatsiyasini keltirgan. 2016-yilda Jones „Inferno“ trilleri, „A Monster Calls“ fantastik dramasi hamda „Rogue One: A Star Wars Story“ kosmik sagasida Jyn Erso rolini ijro etgan. Shundan soʻng „On the Basis of Sex“ (2018) biografik filmida Ruth Bader Ginsburg obrazini gavdalantirgan. U shuningdek, „The Aeronauts“ (2019), „The Midnight Sky“ (2020), „The Last Letter from Your Lover“ (2021) striming filmlarida hamda „The Brutalist“ (2024) tarixiy dramasida suratga tushgan, oxirgi roli uchun esa „Eng yaxshi ikkinchi darajali aktrisa“ yoʻnalishida „Oskar“ mukofotiga nomzod boʻlgan.