F. Murray Abraham

F. Murray Abraham (asli ismi Myurrey Abraham; 1939-yil 24-oktyabrda tugʻilgan) — amerikalik aktyor. Teatr va kino olamidagi rollari bilan tanilgan artist «Oskar» va «Oltin globus» mukofotlari sovrindori, shuningdek, «BAFTA», toʻrtta «Emmi» va «Gremmi» mukofotlari nomzodidir. U «Amadeus» (1984) drama filmidagi Antonio Saleri obrazi orqali shuhrat qozondi va bu roli uchun «Eng yaxshi aktyor» yoʻnalishida «Oskar» mukofotini qoʻlga kiritdi. Abraham Brodvey sahnasidagi debyutini 1968-yilda «The Man in the Glass Booth» spektaklida amalga oshirgan. Anton Chexovning «Vanya amaki» (1984) va Uilyam Shekspirning «Venetsiyalik savdogar» (2011) pyesalaridagi rollari uchun u «Obie» mukofotiga sazovor boʻlgan. U Terrens MakNallining «It's Only a Play» (2014) komediyasining qayta sahnalashtirilgan koʻrinishida Brodveyga qaytib, «Drama Desk» mukofotiga nomzod boʻlgan. U «Barcha prezidentning odamlari» (1976), «Yuzaki chandiq» (1983), «Atirgulning ismi» (1986), «Soʻnggi jangovar qahramon» (1993), «Buyuk Afrodita» (1995), «Dillinger va Kapone» (1995), «Star Trek: Isyon» (1998), «Forresterni izlab» (2000), «Llewyin Devisning ichida» (2013), «Budapeshtdagi Grand mehmonxonasi» (2014), «Itlar oroli» (2018) va «Ajdahoni qanday qoʻlga oʻrgatish mumkin: Yashirin dunyo» (2019) kabi koʻplab film va seriallarda bosh va ikkinchi darajali rollarni ijro etgan. U Showtime telekanalining «Homeland» (2012–2018) drama serialida doimiy qatnashgan va bu roli uchun Primetime Emmy mukofotining «Dramatik serialdagi eng yaxshi taklif etilgan aktyor» nominatsiyasiga ikki marta nomzod boʻlgan. Shuningdek, u «Louie» (2011–2014), «Mythic Quest» (2020–2021), «Moon Knight» kabi loyihalarda ham suratga tushgan.