Ethan Wayne

Jon Itan Morrison (1962-yil 22-fevralda tug'ilgan), ijodiy taxallusi Itan Ueyn — amerikalik sobiq aktyor va kaskadyor. Hozirda u John Wayne Enterprises kompaniyasini boshqaradi, John Wayne Cancer Foundation jamg'armasi direktori lavozimida ishlaydi va uning "Team DUKE" xayriya dasturiga asos solgan. U otasining "Big Jake" filmidagi bosh qahramonining nabirasi Kichik Jeyk rolini o'ynagan. Itan 1979-yilda otasi vafot etganidan keyin kaskadyorlik bilan shug'ullana boshladi. Uning ilk filmi "The Blues Brothers" bo'lgan. Shundan so'ng aktyorlik faoliyatini davom ettirdi. 1981-yilda uning yana ikkita yirik filmidagi chiqishi bo'lib o'tdi: "Longshot" komediyasi va "Scream" slasher filmi. Shuningdek, NBC telekanalining "The Alamo: 13 Days to Glory" (1986) televizion filmidagi Edvard Teylor, CBS telekanalining "The Bold and the Beautiful" (1987–1988) serialidagi Storm Logan rollarini ijro etgan. 1989-yildan 1991-yilgacha Universal Studios tomonidan ishlab chiqarilgan "The New Adam-12" serialida leytenant Mett Doyl rolini o'ynagan. 2014-yil 14-yanvarda efirga uzatilgan History kanalining "Pawn Stars" dasturining "Dog Day Afternoon" epizodida Jon Ueyn xotiralariga bag'ishlangan ekspert sifatida qatnashgan. U aktyor Jon Ueynning kenja o'gli bo'lib, uning onasi Jon Ueynning uchinchi rafiqasi va bevasi — perulik aktrisa Pilar Pallete hisoblanadi. U Kaliforniyaning Nyuport-Bich shahrida ulg'aygan va otasi kabi okean va tabiatni sevgan. Unga bu ism Jon Ueynning "The Searchers" filmidagi qahramoni ("Itan Edvards") sharafiga qo'yilgan.