Esmael Barari

1965-yilda Kaspiy dengizi bo‘yidagi Bandar Anzali portida tug‘ilgan. Tehron san'at universitetida kino san'ati yo‘nalishi bo‘yicha tahsil olgan. 1988-yilda "Reaction" qisqa metrajli filmi Tehrondagi birinchi milliy talabalar kinofestivalida bosh mukofotni, 1989-yilda esa Ebensee Festival of Nations festivalida kumush plaketni qo‘lga kiritgan. "Nader's Gift" (1989) va "Loneliness And The Clod" (1990) filmlari muvaffaqiyat qozongan, ayniqsa, ikkinchisi FIPA Cannes-91'da namoyish etilib, bolalar va o‘smirlar uchun xalqaro kinofestivalda "Oltin kapalak" mukofotiga sazovor bo‘lgan. Hozirgacha yigirmadan ortiq to‘liq metrajli, hujjatli va qisqa metrajli filmlar hamda teleseriallar suratga olgan. 1991-yilda "City in The Hands of Children" deb nomlangan birinchi to‘liq metrajli badiiy filmini taqdim etgan. Shuningdek, "World Iranian Film Center" direktori, "The Union of Iranian Cinema Producers" a'zosi, "ECO Cultural Institute" badiiy maslahatchisi va 2007-yilgi Mostra Valencia kinofestivali xalqaro hakamlar hay'ati a'zosi bo‘lgan.