Erdal Beşikçioğlu

Erdal Beşikçioğlu (1970-yil 5-yanvar) — turkiyalik aktyor. Hacettepe universiteti Davlat konservatoriyasini tamomlagach, turli davlat teatrlari sahnalarida ishlagan. 1995-1996-yillarda Diyarbakır davlat teatriga rahbarlik qilgan. "Eve Giden Yol 1914", "Barda", "Vali", "Hayat Var", "Kurtlar Vadisi Filistin" va "Oltin ayiq" mukofotini olgan "Bal" filmlarida rol o'ynagan. Ayni paytda "Behzat Ç." serialidagi politsiya komissari roli bilan tanilgan. Mazkur serialning spinoff filmi bo'lgan "Behzat Ç.: Seni Kalbime Gömdüm" filmidagi roli uchun "Oltin apelsin" mukofotiga loyiq ko'rilgan. Aktrisa Elvin Beşikçioğlu bilan turmush qurgan.