Enrique Collar

Enrique Collar — rassom, ssenariynavis va rejissyor. 1964-yilda Paragvayda tug'ilgan. 1971-yilda Argentinaga ko'chib o'tgan. 1988-yilda Buenos-Ayresdagi Manuel Belgrano nomidagi Milliy tasviriy san'at maktabini tamomlagan. 1989-yildan boshlab shaxsiy va guruh ko'rgazmalarini o'tkazib keladi, jumladan Londondagi BP Portrait Award kabi xalqaro san'at tadbirlarida qatnashgan. 2010-yilda Ispaniya san'at va san'atkorlar jamg'armasining Rassomlik bo'yicha bosh mukofotini qo'lga kiritgan. Kinoga tasviriy san'at orqali kirib kelgan. U eksperimental kino, hujjatli va badiiy filmlar yaratib, o'z ishlarining ssenariysi, rejissyorligi va prodyuserligini o'zi bajaradi. 2001-yilda Paragvayda o'zining ilk to'liq metrajli „miramenometokéi“ film suratga oldi. Ushbu film 2002-yil noyabr oyida Asunsion kino va madaniyat festivalida ilk bor namoyish etilib, 2003-yil iyun oyida Asunsion kinoteatrlarida namoyish qilindi hamda 20 ga yaqin xalqaro kinofestivallarda qatnashdi. 2010-yilda Paragvayda ikkinchi badiiy filmi — „Novena“ni yakunladi. Bu film Mar del Plata xalqaro kinofestivalining Lotin Amerikasi tanlovida SICA mukofotiga (eng yaxshi film uchun) sazovor bo'lib, 12 ta xalqaro kinofestivalda ishtirok etgan. 2011-yil dekabr oyida „Ichkaridan tashqariga“ kino yaratish bo'yicha 12 ta qoidadan iborat „La Docena“ asarini yozgan. Hozirda u Paragvayda „Yaguá Feroz“ nomli uchinchi badiiy filmini suratga olishga tayyorgarlik ko'rmoqda. 2008-yilda Asunsionda „Po“ nomli ilk hikoyalar to'plamini nashr etgan.