Emily Watson

Emili Margaret Uotson (1967-yil 14-yanvarda tugʻilgan) — ingliz aktrisasi. U oʻz faoliyatini sahnadan boshlab, 1992-yilda Qirollik Shekspir kompaniyasiga qoʻshilgan. 2002-yilda "Donmar Warehouse" teatrida "Twelfth Night" va "Uncle Vanya" spektakllarida oʻynagan va oxirgisi uchun "Olivier" mukofotiga nomzod boʻlgan. Lars fon Trierning "Breaking the Waves" (1996) filmidagi yosh kelin roli hamda Anand Takerning "Hilary and Jackie" (1998) kartinasidagi Jaklin Dyu Pre obrazi uchun "Oskar" mukofotiga nomzod qilib koʻrsatilgan. Ushbu aktrisaning boshqa mashhur filmlari qatoriga "The Boxer" (1997), "Angela's Ashes" (1999), "Gosford Park" (2001), "Punch-Drunk Love" (2002), "Red Dragon" (2002), "Corpse Bride" (2005), "War Horse" (2011), "The Theory of Everything" (2014) va "Kingsman: The Golden Circle" (2017) kabi lentalar kiradi. U HBO telekanalining "Chernobyl" mini-serialidagi ijrosi uchun "Primetime Emmy" va "Oltin globus" mukofotlariga sazovor boʻlgan. Shuningdek, 2024-yilda chiqarilgan HBO’ning "Dune: Prophecy" ilmiy-fantastik serialida Valya Harkonnenning bosh rolini ijro etgan.