Elyas M'Barek

Elyas M’Barek — avstriyalik aktyor. U ilk filmida maktab o'quvchisi payti Dennis Ganselning "Mädchen, Mädchen" loyihasida "Blaubart" rolini ijro etgan. ARD telekanalining "Türkisch für Anfänger" serialida turk millatiga mansub macholar toifasidagi Cemil (Cem) Öztürk rolini o'ynagan. Ushbu ijrosi uchun 2006-yilda Germaniya televideniyesi mukofotiga sazovor bo'lgan. O'sha yili serialning o'zi ham "Eng yaxshi serial" nominatsiyasida mukofotlangan. M’Barek "Wholetrain" grafiti haqidagi filmda bosh rollardan birini ijro etgan. 2008-yilda "Die Welle" romanining film adaptatsiyasida Sinan rolini o'ynagan. 2009-2011-yillarda "Doctor’s Diary" serialida, 2010-yilda esa "Zeiten ändern dich" filmida yosh Bushido obrazida ko'ringan. Shuningdek, "Teufelskicker", "What a Man", "Biss zur großen Pause – Das Highschool Vampir Grusical" filmlarida suratga tushgan. 2012-yilda u "Türkisch für Anfänger", "Fünf Freunde", "Offroad" va "Heiter bis wolkig" filmlarida bosh rollarni ijro etgan.