Elsa Lanchester

Elsa Sullivan Lanchester (1902–1986) — britaniyalik aktrisa va raqqosa. Bolaligidan raqs bilan shug‘ullangan, Birinchi jahon urushidan keyin teatr va kabarreda faoliyatini boshlagan. 1927-yilda aktyor Charles Laughton bilan tanishib, ikki yildan so‘ng turmush qurishgan. Dastlab britan filmlarida kichik rollar ijro etgan, jumladan, turmush o‘rtog‘i bilan "The Private Life of Henry VIII" (1933) filmida Anne of Cleves obrazini gavdalantirgan. Laughtoning AQShdagi muvaffaqiyatidan keyin juftlik Gollivudga ko‘chib o‘tgan. "Bride of Frankenstein" (1935) filmidagi kelin obrazi aktrisaga katta shuhrat keltirgan. 1940–50-yillarda ikkinchi darajali rollarni ijro etgan va "Come to the Stable" (1949) hamda "Witness for the Prosecution" (1957) filmlari uchun "Oskar" mukofotiga nomzod bo‘lgan. Laughton vafotidan so‘ng (1962), "Mary Poppins" (1964), "That Darn Cat!" (1965) va "Blackbeard's Ghost" (1968) kabi Disney filmlarida, shuningdek, "Willard" (1971) va "Murder By Death" (1976) kartinalarida suratga tushgan.