Eduardo del Llano Rodríguez

Eduardo del Llano Rodríguez (1962-yilda Moskvada tugʻilgan) — kubalik yozuvchi, universitet professori, ssenariynavis va kino rejissyor. U 1985-yilda Gavana universitetining san'atshunoslik fakultetini tamomlagan. 1980-yillarda NOS-Y-OTROS teatr va adabiy guruhining a'zosi boʻlgan. Gavana universiteti San'at va adabiyot fakultetida professor (Lotin Amerikasi san'ati tarixi va fotografiya) boʻlib ishlash barobarida, Xorxe Goldenberg, Tom Abrams va Valter Bernstayndan ssenariy yozish sirlarini oʻrgangan. Eduardo del Llano Kuba Davlat xavfsizligi faoliyatiga bagʻishlangan “Monte Rouge” qisqa metrajli satirasi orqali Kuba rejimiga nisbatan tanqidiy pozitsiyani egallagan, garchi bu yashirincha suratga olingan film boʻlmay, shunchaki Kuba Kinematografiya san'at va sanoat instituti tomonidan moliyalashtirilmagan loyiha ekanini alohida ta'kidlagan.