Edith Evans

Dame Edith Mary Evans, DBE (1888-yil 8-fevral – 1976-yil 14-oktyabr) — britaniyalik aktrisa. Britaniya sahnasidagi rollari bilan tanilgan. Shuningdek, bir qator filmlarda suratga tushgan, buning uchun uch marta Akademiya mukofotiga nomzod bo‘lgan, shuningdek, BAFTA va "Oltin globus" mukofotlarini qo‘lga kiritgan. Evans, ayniqsa, zoti oliy, takabbur aristokrat xonimlar obrazini yaratishda juda mahoratli bo‘lgan. Masalan, uning eng mashhur rollaridan biri — "The Importance of Being Earnest" (ham sahnada, ham 1952-yildagi filmda) asaridagi Lady Bracknell hamda 1963-yildagi "Tom Jones" filmidagi Miss Western obrazlari. Bundan farqli o‘laroq, "The Whisperers" (1967) filmida kambag‘al keksa ayol rolini ijro etib, katta e’tirofga sazovor bo‘lgan.