Dwayne Cameron

Dwayne Cameron 1981-yil 28-oktabrda Yangi Zelandiyaning Oklend shahrida tug‘ilgan. O‘n yoshida otasi poyezd urib ketishi oqibatida vafot etgan. Ilk rolini William Shatner bilan birga ijro etgan. Disturbing the Peace (2020) filmida Guy Pearce, 211 (2018) filmida Nicolas Cage va Roger Donaldson’ning McLaren (2017) kartinasida suratga tushgan. Amber Heard va Selma Blair kabi aktrisalar bilan bosh rollarni bo‘lishgan. Aktyorlik faoliyati The Tribe (1999) kult teleserialida Bray rolini ijro etganidan so‘ng keskin o‘sgan. 18 yoshiga qadar serialning 156 qismida suratga tushib, serial va uning albomini targ‘ib qilish uchun Yevropa va AQSH bo‘ylab gastrollarda bo‘lgan. 2000-yilgi GAIT Awards mukofotida The Tribe seriali nomzod sifatida ko‘rsatilganda Los-Anjelesda jamoani namoyish etgan. Dancing Mind Films produserlik kompaniyasi orqali bir qancha qisqa metrajli filmlar ssenariysini yozgan, rejissyorlik qilgan, prodyuserlik qilgan va suratga tushgan.