Dominique Swain

Dominik Aryan Sveyn (1980-yil 12-avgustda tug'ilgan) — amerikalik aktrisa. U Vladimir Nabokovning «Lolita» romani asosida 1997-yilda suratga olingan filmdagi bosh roli hamda «Face/Off» filmidagi Jeymi Archer roli bilan tanilgan. Sveyn o'z faoliyatini Gollivudda kaskadyor o'rinbosari sifatida boshlagan; u Jozef Rubenning «The Good Son» (1993) filmida Makolay Kalkinning kenja singlisi Kuinnning o'rnida harakat qilgan. 1995-yilda, 14 yoshida u 2500 nafar qiz orasidan tanlab olinib, Edrien Laynning 1997-yilda ekran yuzini ko'rgan mashhhur va munozarali «Lolita» filmida Dolores «Lolita» Xeyz bosh rolini ijro etgan. Suratga olish vaqtida u 15 yoshda edi va uning ijrosi tanqidchilar tomonidan yuqori baholandi. Shundan so'ng u Jon Vurning «Face/Off» (1997) filmida isyonkor o'smir Jeymi Archer rolini o'ynadi. U 1998-yilda o'z bokiraligini yo'qotishga qaror qilgan maktab o'quvchisi haqida hikoya qiluvchi «Girl» drama filmida bosh rolni ijro etdi. 2009-yilda Sveyn kinodagi jinsiy sahnalarning tasvirlanishiga bag'ishlangan «Starz Inside: Sex and the Cinema» ko'rsatuvida qatnashdi. O'sha yili u kantri yulduzi Jimmi Ueyn Kollinz haqidagi, shuningdek kantri musiqachisi Li Enn Uomak ishtirok etgan «Noble Things» filmida suratga tushdi. Sveyn, shuningdek, «Fall Down Dead» qo'rqinchli slasher filmida bosh qahramon Kristi Uolles rolini o'ynagan. 2010-yilda Monte Xellmanning «Road to Nowhere» nomli romantik trillerida rol o'ynagan. 2011-yilda Devid Renning «The Girl from the Naked Eye» jangari trillerida, 2012-yilda esa «Nazis at the Center of the Earth» fantastik filmida suratga tushgan.