Dina Tasbulatova

Dina Tasbulatova 1988-yil 1-yanvarda Qozog‘istonning Jambul viloyatida shifokorlar oilasida tug‘ilgan. 2010-yilda Al-Farobiy nomidagi Qozoq milliy universitetining filologiya fakultetini, 2013-yilda esa T. Jurganov nomidagi Qozoq milliy sanʼat akademiyasining hujjatli kino rejissyorligi yo‘nalishini tamomlagan. Kino faoliyatini Yevroosiyo kinofestivalida namoyish etilgan "Ümitiñdi üzbe" ("Umidingni uzma") filmi bilan boshlagan. Shuningdek, u "Profilm" teleko‘rsatuvi boshlovchisi hamda "Artfocus" loyihasi muallifi sifatida tanilgan. Aktrisa "Businessmen" (2018), "Roots" (2024) va "My Big Kazakh Family" (2021) kabi filmlarda suratga tushgan. Bugungi kunda Dina Tasbulatova Qozog‘istonning eng talabgir aktrisalaridan biri bo‘lib, ijodini teleboshlovchilik va rejissyorlik bilan muvaffaqiyatli uyg‘unlashtirib kelmoqda.