Diego Maradona

Diego Armando Maradona (1960-yil 30-oktyabr – 2020-yil 25-noyabr) — argentinalik afsonaviy futbolchi va murabbiy. Futbol tarixidagi eng buyuk o‘yinchilardan biri, FIFA talqini bo‘yicha XX asrning eng yaxshi futbolchisi unvoniga sazovor bo‘lgan. O‘yinni ko‘ra bilishi, aniq paslari, to‘pni boshqarish mahorati va driblingi bilan ajralib turgan. «El Pibe de Oro» («Oltin bola») laqabini olgan futbolchi Argentinos Juniors, Boca Juniors, Barcelona, Napoli, Sevilla va Newell's Old Boys klublarida to‘p surgan. Ayniqsa, Napoli safidagi o‘yinlari bilan tarixda qolgan. Argentina terma jamoasi tarkibida 91 marta maydonga tushgan.