Diana Ross

Diana Ross (1944-yil 26-martda tug‘ilgan) — amerikalik xonanda, aktrisa va musiqa prodyuseri. Detroytda tug‘ilib o‘sgan Ross “The Supremes” guruhining solisti sifatida shuhrat qozongan. 1960-yillarda mazkur guruh Motown studiyasining eng muvaffaqiyatli loyihasiga aylangan va AQSh tarixidagi eng yaxshi qizlar guruhi sifatida rekord o‘rnatgan. Ularning “Where Did Our Love Go”, “Baby Love”, “Stop! In the Name of Love” kabi 12 ta qo‘shig‘i Billboard Hot 100 reytingida birinchi o‘rinni egallagan. 1970-yilda guruhdan ketgach, u muvaffaqiyatli yakkaxon faoliyatini boshladi. Uning “Ain't No Mountain High Enough”, “Touch Me in the Morning”, “Mahogany”, “Upside Down” va Lionel Richie bilan birgalikda ijro etilgan “Endless Love” qo‘shiqlari katta mashhurlikka erishgan.