Debbie Reynolds

Meri Frensis "Debbie" Reynolds (1932-yil 1-aprel — 2016-yil 28-dekabr) — amerikalik aktrisa, qoʻshiqchi, tadbirkor, kino tarixchisi va xayriyachi. U 1950-yilda suratga olingan “Three Little Words” filmida Helen Keyn rolini ijro etgani uchun “Oltin globus” mukofotiga nomzod boʻlgan, uning karyerasidagi burilish nuqtasi esa “Singin' in the Rain” (1952) filmidagi ilk bosh roli — Keti Selden obrazi boʻlgan. Shuningdek, uning “The Affairs of Dobie Gillis” (1953), “Susan Slept Here” (1954), “Bundle of Joy” (1956, “Oltin globus” nominatsiyasi), “The Catered Affair” (1956, Milliy kino tanqidchilar kengashining “Eng yaxshi ikkinchi darajali aktrisa” mukofoti) hamda “Tammy and the Bachelor” (1957) kabi filmlari muvofiq qozongan. Bu filmdagi “Tammy” qoʻshigʻi Billboard musiqa chartlarida birinchi oʻrinni egallagan. 1959-yilda u oʻzining “Debbie” deb nomlangan ilk pop-albomini chiqargan. U “How the West Was Won” (1963) hamda shaddodligi bilan tanilgan Molly Brown haqidagi biografik film — “The Unsinkable Molly Brown” (1964) filmlarida bosh rollarni ijro etgan. Molly Brown roli unga “Oskar” mukofotining “Eng yaxshi aktrisa” nominatsiyasini keltirgan. Uning boshqa filmlari orasida “The Singing Nun” (1966), “Divorce American Style” (1967), “What's the Matter with Helen?” (1971), “Charlotte's Web” (1973), “Mother” (1996, “Oltin globus” nominatsiyasi) va “In & Out” (1997) bor. Reynolds, shuningdek, estrada xonandasi boʻlgan. 1979-yilda u Shimoliy Hollywoodda hozirgi kunga qadar faoliyat yuritib kelayotgan Debbie Reynolds raqs studiyasiga asos solgan. 1969-yilda u televideniyeda oʻz nomi bilan ataluvchi “The Debbie Reynolds Show” serialida bosh rolni ijro etgan va bu roli uchun “Oltin globus” mukofotiga nomzod boʻlgan.