David Sàntalla

U Birinchi jahon urushida qatnashishga muvaffaq bo'lgan yagona boliviyalik harbiy va Chako urushidagi buyuk qahramonlardan biri — mashhur aviatsiya generali Alfredo Santalla Estrellaning o'g'lidir. David Santalla yoshligidan Chileda yashagan va u yerda hajvchilik qobiliyatini rivojlantirib, turli uydirma qahramonlarni yaratgan. David yolg'iz bola bo'lib ulg'aygan. Katta akalari uni o'yinlariga qo'shishmagan, ota-onasi esa unga o'yinchoq sotib olishni bas qilgandi, shuning uchun kichkintoy o'zi ko'ngil ochish yo'llarini topishga majbur bo'lgan. U toshlarni terib, ularga yuzlar chizgan va har biriga o'zgacha ovoz berib gapirtirgan. «Bu tomog'im va tasavvurimni mashq qilishga yordam berdi», — deydi 50 yillik ijodiy faoliyatini nishonlayotgan komik. Uning san'at yo'li radiodagi badiiy o'qish va tomoshabinlarni xushnud etishdan boshlangan.