David Ondříček

Rejissor, ssenarist va prodyuser, yangi davr Chexiya kinematografiyasining eng yorqin namoyandalaridan biri. U oʻzining «Whisper» («Šeptej», 1996) filmi bilan debyut qilgan, shundan soʻng oʻzining «Lucky Man Films» kompaniyasi tomonidan ishlab chiqarilgan «Loners» («Samotáři», 2000) kartinasini taqdim etdi. Keyinchalik «One Hand Can't Clap» («Jedna ruka netleská», 2003) komediyasi hamda Berlinale xalqaro kinofestivalida premyerasi boʻlib oʻtgan «Grandhotel» (2006) filmlarini suratga oldi. Uning «In the Shadow» («Ve stínu», 2012) nomli trilleri Chexiya kino tanqidchilari mukofoti va yillik «Chexiya sherlari» mukofotining asosiy yoʻnalishlarida gʻolib chiqdi hamda Chexiyadan «Oskar» mukofotining «Eng yaxshi chet tilidagi film» nominatsiyasiga taqdim etildi. 2013-yilda David Ondříček oʻtgan yilning eng diqqatga sazovor rejissorlarini eʼtirof etuvchi Variety jurnalining «Eʼtiborga molik 10 nafar rejissor» mukofotiga sazovor boʻldi. Uning soʻnggi ishi — «Zátopek» (2021) filmi ham Chexiyaning 2022-yilgi Oskar mukofotiga rasmiy daʼvogari sifatida tanlab olindi.