David Dastmalchian

David Dastmalchian (1975-yil 21-iyulda tugʻilgan) — amerikalik aktyor, ssenariy muallifi va prodyuser. U bir qator superqahramonlik franshizalarida ikkinchi darajali rollarni ijro etgan: "The Dark Knight" (2008) filmida Tomas Shiff, "Ant-Man" franshizasida Kurt va Veb, The CW telekanalining "The Flash" serialida Abra Kadabra hamda "The Suicide Squad" (2021) filmida Polka-Dot Man rollarini oʻynagan. Dastmalchian Deni Vilynyov rejissyorlik qilgan uchta filmda suratga tushgan: "Prisoners" (2013), "Blade Runner 2049" (2017) va "Dune" (2021). U asosan xarakterli aktyor sifatida tanilgan boʻlsa-da, 2014-yilda oʻzi ssenariy yozgan yarim avtobiografik "Animals" filmida va 2023-yilda oʻzi prodyuserlik qilgan "Late Night with the Devil" qoʻrqinchli filmida bosh rollarni ijro etgan. Shuningdek, u Netflix’ning "One Piece" serialida Mr. 3 rolini gavdalantirishi rejalashtirilgan. U 2025-yilda chiqadigan "Dexter: Resurrection" serialida mehmon aktyor sifatida koʻrinish beradi.