David Carradine

David Carradine (tug'ilgan payti John Arthur Carradine Jr.; 1936-yil 8-dekabr – 2009-yil 3-iyun) — jang san'ati yo'nalishidagi rollari bilan tanilgan amerikalik aktyor. U ko'proq 1970-yillardagi “Kung Fu” teleserialida Amerikaning Eski G'arbi bo'ylab sayohat qiluvchi tinchliksevar Shaolin rohibi Kwai Chang Caine rolini ijro etgani bilan mashhur. Shuningdek, u “Kill Bill” filmlarining ikkala qismida bosh qahramon rolini o'ynagan hamda Martin Scorsese'ning “Boxcar Bertha” va “Mean Streets” filmlarida suratga tushgan. David Carradine aktyorlar sulolasi — otasi John Carradinelardan boshlangan oila vakili edi. Katta Carradinening teatr, televideniye va kinodagi faoliyati qirq yildan ortiq davom etgan. “B” klassidagi filmlarda ko'p suratga tushgan David Carradine oltmish yildan oshgan faoliyati davomida 100 dan ortiq to'liq metrajli filmda rol o'ynagan. “Kung Fu” serialidagi ishi uchun “Oltin globus” va “Emmi” mukofotlariga nomzod bo'lgan, shuningdek, Woody Guthrie haqidagi “Bound for Glory” (1976) biografik filmi, “North and South” (1985) teleminiseriali hamda Quentin Tarantino'ning “Kill Bill: Volume 2” filimidagi ijrosi uchun yana uchta “Oltin globus” mukofotiga nomzodlikni qo'lga kiritgan. Oxirgi roli uchun esa “Eng yaxshi ikkinchi plandagi aktyor” nominatsiyasida “Saturn” mukofotiga sazovor bo'lgan. Hayoti davomida Carradine ko'pincha giyohvandlik bilan bog'liq huquqbuzarliklar uchun hibsga olingan va sudga tortilgan. Vafotidan keyin ham uning ishtirokidagi filmlar chiqishda davom etdi. Bu vafotidan keyingi loyihalar jangari, hujjatli va boshqa turli janrlarni o'z ichiga olgan.